MR_MoHaMeeD_SH
 | موضوع: قاموس الأمثال المصرية  الخميس فبراير 26, 2009 5:44 pm | |
| الشعب المصري مميز ازى فى حكاية الأمثال الشعبية
تعالوا نجمع مع بعض بعض الامثال المنتشرة والمشهورة عندنا فى مصر
وانا حقول شوية واى حد يدخل عنده مثل ياريت يكتبه ..
* أقلب القدرة على فمها تطلع البنت لامها
* قلبي على ولدي انفطر وقلب ولدي علي حجر
* القرعة تتباهى بشعر بنت اختها
* قالوا للحرامي احلف قال جالك الفرج
* جت الحزينة تفرح ملقتلهاش مطرح
*زى القطط تاكل وتنكر
*ابنك على ما تربية وجوزك على ما تعوديه
*البيت بيت ابونا والغرب يطردونا
*لجل الورد ينسقى العليق.
*اللى اتسلع من الشربة ينفخ فى الزبادي
*اللى يشيل قربة مخرومة تخر على دماغه
*مين يشهد للعروسه
*ماتخدش السهتانه ام قصه ولبانه تاكل وتعمل عيانه
*عشمنى بالحلق خرمت انا ودانى
*خالتى وخالتك واتفرقوا الخالات
*الناس خيبتها اليبت والحد وانا خيبتي موردتش علي حد
*بابا النجار مخلع
*جبت الأقرع يونسني ..كشف راسه وخوفني
*طلعت فوق السطوح هز الهوا كمي كل العيال اتجوزت وانا لسة جنب امي
*يا مأمن للحريم يا مأمن للمعزة وسط البرسيم (( مثل جديد لنج ههههههههههههه))
*اسمع كلامك اصدقك اشوف أمورك أستعجحب
*ضل راجل ولا ضل حيطة
*الميه تكدب الغطاس
*كل إللي يعجبك والبس ما يعجب الناس
*نهيتك ما انتهيت والطبع فيك غالب ... وديل الكلب عمره ما يتعدل ولو علقوا فيه قالب
*القديمه تحلا ولو كانت وحلا
*يعملوا من الفسيخ شربات
*حمارتك العارجه تغنيك عن سؤال اللئيم
*اللي أختشوا ماتوا
*أدي العيش لخبازه
*أصبر على جار السو يايرحل ياتجيله مصيبه
*ان طلع العيب من أهل العيب مايبقاش عيب
*بكره نقعد على الحيطه و نسمع الزيطه
*مالقوش في الورد عيب قالوا أحمر الخدين
*خد الأصيلة ولو كانت على الحصيرة
*الفاضى يعمل قاضى
* الغالي ثمنه فيه
*بصلة المحب خروف
*جه يكحلها عماها
*الرجل تدب مطرح ما تحب
*إللى يسعدها زمانها تجييب بناتها قبل صبيانها
*إكنس بيتك ورشه ما تعرف مين يخشه
((أكتفى بالمجموعة دى واللى عندو مثل مش موجود هنا ياريت يكتبه))
[/size] | |
|
smsm_010
| | موضوع: رد: قاموس الأمثال المصرية الخميس فبراير 26, 2009 6:47 pm | |
| من الامثال الشعبيه
لو حبيبك الثور البسيله احمر
اشكرك اخى على على طرحك | |
|
deran
| |
MR_MoHaMeeD_SH
| | موضوع: رد: قاموس الأمثال المصرية الأحد مارس 01, 2009 4:30 am | |
| | |
|
احمد
| | موضوع: رد: قاموس الأمثال المصرية الأحد مارس 01, 2009 11:25 pm | |
| حكم , مثل
الاهم جمل تفيد
دع القافله تثرى والكلاب تعول
اذا رفعت الايادى سقطتت الرتب | |
|
سمر
| |
